ගැහැණියගේ වාරණ බිඳිමින් දුම්වැටිය උරන ඇනස්ටාෂියා

අවහන්හල නිහඬයි

කොහේ හෝ තැනක

මගේ හිත අතරමං වී

ඔහේ පාවෙමින් තිබෙයි

මගේ බීර වීදුරුව මට

දෝෂාරෝපණය කරයි

එය බොන්නට වත් සිහියක් නැතිව

මම ඔබ දෙස බලා සිටිමි

සැබවින්ම ජීවිතය යනු කුමක්දැයි

වටහා ගැනීමට මම

පුදුම තරම් වෙහෙසී

එය අතහැර දැමුවෙමි

නුඹ දුටු මොහොතේ සිට

ජීවිතය යනු කුමක්ද යන වග

හෙමි හෙමින් මට

වැටහෙන්නට පටන් ගෙන ඇත

මුග්ධ සමාජ සම්මතයෙන්

පිටට පැන යා යුතුය.

සමාජය සිගරට්ටුවට සසඳමි

එය උරමින්  අළු කරන

ආදරණීය ඇනස්ටාෂියා..

සමාජයද දවා අළු කළයුත්තේ නුඹයි..

ඉතින් මම නුඹට ආදරෙයි..

සමාජ සම්මතයට පිටින් යන්න

එතකොට ජීවිතේ හරි ලස්සනයි..

ඉතින් ඇනස්ටාෂියා,

මටත් උගුරක් දෙන්න ඔය සිගරට් එකෙන්..

අසම්මත වී සැනසීම ලබන්න

එවිට මටත් හැකිවෙයි..

- රැහැන් මාරා | සිත්තම් මායා